بشاير - 🔥❄️ نعمل إيه وإحنا داخلين على فترة مناخية "مغايرة خالص"؟!

🔥❄️ نعمل إيه وإحنا داخلين على فترة مناخية "مغايرة خالص"؟!

⭐ #توصيات_عالسريع … بس مهمّة جدًا!

يا جماعة…

الأجواء واضح إنها بتتغير بسرعة وفجأة…

والمناخ عامل نقلة مش محسوبة، والزرع نفسه ماكانش مستعد للتغيير ده!

عشان كده… لازم نركز مع بعض في اللي جاي ده تركيز شديد 👇

🚨 هام جداً جداً…

الظروف الجوية دي غير اعتيادية تمامًا في الوقت ده من الخريف…

عشان كده… لازم الالتزام بالتوصيات التالية بدون أي تأخير 👇

🌾🌿 أهم التوصيات السريعة والعاجلة:

1- #القمح 🌾

✔️ سرعة إنهاء الزراعة فورًا (عفير أو حراتي)

✔️ مع إضافة:

• 1.5 شيكارة سلفات نشادر أو نترات نشادر مع الزراعة

✔️ لمَن زرع:

• متأخروش رية التشتية بعد 20–25 يوم

• مع الرية: 10 لتر حامض فسفوريك أو 3–4 كجم ماب

➡️ لتحفيز الجذور والتفريع.

2- #الفول البلدي 🌱

✔️ إنهاء الزراعة فورًا في الوجه البحري

✔️ في القبلي:

• التركيز على الفسفور مبكرًا

• الاستعداد للتبقعات مع زيادة الرطوبة

• فحص المن والندوة

➡️ عند اكتر من 4 أفراد/ورقة = رش فوري للثاقبة الماصة

✔️ لاحقًا: تكثيف البوتاسيوم (نترات/سترات)

3- #البنجر 🥬

✔️ وقف إضافة الأزوت بعد 90 يوم

✔️ البدء في البوتاسيوم حتى عمر 130–140 يوم

✔️ تحضير للـ سركسبوريا

➡️ الرش الوقائي: أكروبات النحاس بالتبادل مع أوبص

4- #البطاطس_الشتوي 🥔

✔️ ممنوع منظمات النمو بعد 90 يوم

✔️ إضافة:

• بوتاسيوم نترات/سترات 1.5 كجم/فدان + 30 سم سيتوكينين 4%

✔️ رش وقائي مهم جداً ضد الندوة المبكرة

➡️ (ميفينوكسام – ميتالكسيل – أزوكسي ستروبين)

5- #البطاطس_الصيفي ☀️

✔️ نبدأ الزراعة من الأحد لما حرّ الليل يرتفع

✔️ ممنوع الزراعة في أرض "مبلولة"

✔️ ممنوع اليوريا مبكرًا → الأفضل سلفات/نترات نشادر

✔️ اللي زرع بدري:

• متأخرش الرية الأولى

• خلّص رش الحشائش قبل الإنبات

• أضف 7 لتر فسفوريك في أول رية

6- #الفاصوليا_الشتوي

✔️ ممنوع زيادة المياه

✔️ رشة وقائية:

ميفينوكسام + تيبوكونازول + دايفينكونازول + سيبروكونازول

7- #الفراولة 🍓

🚫 ممنوع الأحماض الأمينية نهائيًا

✔️ مهم: الفسفور + الطحالب + بوتاسيوم فوسفيت

✔️ فرصة ذهبية للتخلص من الأكاروس

(هيكسي ثيازوكس – فينازاكوين – فينبيروكسيمات)

✔️ مكافحة أعفان الجذور + العفن الحلقي + لفحة الفومبسيس + تبقع الأوراق

باستخدام المواد الفعّالة الأوروبية المذكورة (أزوكسي ستروبين… إلخ)

✔️ مراعاة PHI

8- #البسلة المبكرة

🚫 ممنوع رش أي نحاس أثناء التزهير والعقد

9- #البصل_المقور 🧅

✔️ أفضل توقيت بورون = قبل التقليع بـ 20 يوم

• 1.5 سم/لتر

✔️ يمكن خلطه مع KTS لتر/فدان

10- #البصل_الفتيل

✔️ تطهير أرض المشتل قبل الزراعة

خاصة الأراضي اللي ظهر فيها العفن الأحمر سابقًا

11- #الثوم 🧄

✔️ تقليل الرطوبة تحت النبات

✔️ تطويل الفترات بين الريات

✔️ اصفرار أطراف الأوراق = غالبًا نقص بوتاسيوم/ماغنسيوم

✔️ فحص ذبابة البصل الكبرى

🚫 لا للكالسيوم بورون دلوقتي

✔️ نعم للبوتاسيوم فوسفيت + ماغنسيوم فوسفيت

12- #الطماطم_المكشوفة (عروة الصعيد)

✔️ الحذر من البياض الدقيقي والندوة المبكرة

✔️ استخدام: كالسيوم فوسفيت ↔ ستريت بوتاسيوم

13- #الخضر الشتوية (فلفل – باذنجان)

✔️ تكثيف بوتاسيوم + ماغنسيوم

✔️ فحص تربس الأزهار خاصة داخل الصوب

14- #الكمون – الكزبرة – اليانسون – الكراوية – الشمر

✔️ عدم زيادة مياه الرية الأولى

✔️ إضافة مطهرات فطرية (كاربندازيم + توبسين)

✔️ جرعة تنشيطية: شيكارة سلفات نشادر

✔️ الأزوت يكون نترات مش يوريا

15- #البرسيم 🌱

✔️ لا تؤخروا الحشة الحالية

✔️ أضف 10 لتر فسفوريك مع الرية الجاية

16- #الكتان 🌾

✔️ لا تؤخروا الزراعة إطلاقًا

✔️ اللي زرع بدري:

• فسفوريك في الرية المحاياة

✔️ اللي لسه يزرع:

• 1–1.5 شيكارة سلفات بوتاسيوم

✔️ التأخير = خسارة قد توصل لـ 30%

17- #بساتين_الفاكهة 🍋🥭

✔️ الإسراع في الخدمة الشتوية

✔️ إضافة:

• كبريت زراعي

• سوبر فوسفات

✔️ التقليم → يتبعه تطهير بمركبات النحاس

✔️ لتجنب ضعف تحلل أسمدة الشتاء بسبب برودة جوف الارض

📌 #المختصر_المفيد:

✨ قيراط تركيز… خير من فدان رحرحة.

✨ معندناش شغلة إلا الزراعة… فلازم ننجز.

✨ خد بالأسباب… والنتائج على الله سبحانه وتعالى.

🤝 شارك المنشور… ومتحبسهوش عندك

الصفحة حق للناس كلها… وانقل الخير لأهله 🌱

دمتم طيبين… وموسم كله خير وبركة عليكم جميعًا 🌾

استاذ دكتور / محمد علي فهيم

رئيس مركز معلومات تغير المناخ

مركز البحوث الزراعية

25 نوفمبر 2024

16 هاتور 1741

🔥❄️ نعمل إيه وإحنا داخلين على فترة مناخية "مغايرة خالص"؟!

الملخص المفيد

🔥❄️ نعمل إيه وإحنا داخلين على فترة مناخية "مغايرة خالص"؟!

المشاركه علي منصات التواصل الأجتماعي

عدد المشاهدات